Tək böyrəyi olan insanlar nələrə diqqət etməlidir.
Bir böyrəklə doğulan və ya hər hansı xəstəlik səbəbdən böyrəyini itirənlər sağlam bir fərd olaraq həyatlarını davam etdirə bilsələr də, böyrəklərinin sağlamlığını qorumaq üçün daima müayinələr tələb olunur.
Sağlam həyat üçün bir böyrək kifayətdir
Böyrəklər sidik vasitəsilə insan orqanizmindən zərərli maddələri və tullantıları təmizləyir. Bədəndəki su-duz balansını təmin edir, qanda olan mineralları müəyyən sabit səviyyədə saxlayır. Təxminən 750 nəfərdən biri tək böyrəklə doğulur. Kişilərdə anadangəlmə tək böyrəklərin tezliyi daha yüksəkdir və adətən sol böyrək olmur. Bundan başqa bəzi insanların böyrəklərindən biri; Tıxanma, şiş və ya qəza səbəbiylə çıxarılmalı və ya transplantasiya səbəbiylə böyrəklərdən biri bağışlana bilər. Bu barədə narahat olmağa ehtiyac yoxdur. Çünki orqanizmin ehtiyaclarına iki böyrək əvəzinə bir böyrək kifayət edir.
Su içməyə laqeyd yanaşmayın
Tək Böyrək hər iki böyrəyin vəzifəsini asanlıqla yerinə yetirə bilər. Buna görə də bir böyrəyi olan insanlarda qidalanma normal insanlarla eynidir. Xüsusi bir pəhrizə ehtiyac yoxdur. Sağlam bir fərd olaraq adekvat su içilməsinə və az duz istifadəsinə fikir verməlidir. Gündə ən azı 2,5-3 litr su istehlak edilməlidir.
Tək böyrəyi olanlar zərbədən uzaq durmalıdır.
Tək sağlam böyrək qoşalaşmış böyrəklərlə müqayisədə daha böyük olur(Vikar hipertofiya). Buna görə də, tək böyrəklər normal böyrəklərdən daha böyük olduqları üçün travmaya çox meyllidirlər. Bu səbəbdən travma və təsir kimi vəziyyətlərdən ehtiyatla qaçmaq son dərəcə vacibdir. Ağır idman, məşq və təsir edə biləcək hobbilərdən çəkinmək lazımdır. Boks, ağır atletika, xizək sürmə, konkisürmə, futbol, at sürmə və buna bənzər idman növlərində qəfil yıxılma və zərbə ehtimalı olduqca yüksəkdir.
İllik həkim müayinəsi mütləqdir!
Tək böyrəklə doğulan və ya müxtəlif xəstəliklər nəticəsində böyrəyindən birini itirən insanlarda bir müddət sonra sidikdə yüksək miqdarda protein sızması ola bilər. Böyrəyin başqa funksiyalarında da dəyişikliklər baş verə bilər.
